AutorIn des Beitrages:

Da Fortschritt

Frira is ma Rad’l g’foahr’n
ganz spartanisch, hat se plagt,
hat do s’Rad’l vor sechz’g Joahr‘n
nu koane Gang‘ net g’habt.

Dann mit’n neich‘n Dreigangrad’l
hat ma se schon leichta tan
und is an alt’n Waff’nrad’l
mit Leichtigkeit davon.

De Zehngangrad’ln war‘n a Hit,
so wia’s in de Sieb’zga war’n,
und a jeda kloane Bua
is af an soichan g’fahr’n.

Heut‘ san‘s oanazwanz’ge Gang‘,
jeda Berg is zan Dazwinga
und de ganz de sportlichan
toan af’s Elektrorad’l schwinga.