AutorIn des Beitrages:
Hörschläger Franz Christian
4173 St.Veit im Mühlkreis
franz.hoerschlaeger@aon.at
Zurück | Gart‘narwat
D’Gartla kinnan’s net dawart’n,
kaum is’s apa drin in Gart’n,
wird schon g’schauföt und planiert,
Pflanz’l g’setzt, dass oiss bald blüaht.
Ras’n dungt, vertikutiert,
dass er d’Farb‘ net ganz valiert,
afg’fasst wird a Scheibtruah‘ Mist,
dass ma in G’ruch net ganz vagisst.
Beet’l g’rechat, nivelliert,
s’alte Gart’ntürl g’schmiert,
hat schon gnoigetzt s‘letzte Joahr,
dass‘s ma afg’stöllt hat de Hoar‘.
Mit da Schnur de Roanl’n ziag’n
und fir’n Sturz de Wied‘ln biag’n,
dass‘s net in‘ Salat dafreart,
a Plane drüwa, so wia’s g’heart.
Des Unkraut warat nu zan Jät’n
und s’Moos vatülgt dort in da G’stett’n.
De Fruihjahrsarwat macht oan miad,
do schen is’s, wann oiss wachst und bliaht. |
