AutorIn des Beitrages:

Af da Sag‘

Am Fünfe oda knapp danach
geh’n schon de Messa af und ab.
Am Sag‘stand fangt da Sagömann
bald in da Friah‘ de Arwat an.

De erscht’n Bloch‘ werd’n schneidi‘ g’schnitt’n,
de Sagön werd’n durchs Sag‘hoiz trieb’n,
da Sagbam biagt und plagt se net,
wira so lind‘ durchs Schnitthoiz geht.

Am Vormittag fall’n Brett um Brett,
schen g’saumt und g’schnitt’n ins Sagöbett.
Nach Mittag spannt a d’Messer um
und schneit an Dachstui, a mords Trum,

bis eine spat in’d tiafe Nacht,
wann oissamt schlaft, da Hofhund wacht
und endli‘ Viere in da Friah‘
liegt schnitt’n da Dachstui vor da Tür.

Erscht hiazt wird’s stad im Sag’stand drinn‘,
zan Steh’n kimmt d‘Sag und a d‘Maschin‘,
da Sagla schliaft saumiad ins Bett,
do recht lang schlaf’n wird er net.