AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Wia schee is da Mai
Heissa, Juchei,
s is wieda Mai!
Iwaroi hupfts und springts.
Iwaroi pfeifts und singts.
Lusti muass sei!
So wü s da Mai.
Heissa, Juchei,
d Kötn is vuabei!
Kau wieda boarfuass geh,
hemdsäarmlat, dös is schee!
Richti zan gfrei
isa da Mai!
Heissa Juchei,
liablicha Mai!
Umadum Bliatnduft!
Beinlgsumm in da Luft!
Wohlig und fei,
dös is da Mai!
Owar o mei,
wia wiads denn sei?
Iss zwegn dö Menschheitssoargn
eppand mit dia scho moargn
wieda vuabei,
friadlicha Mai?
Heissa Juchei,
dös kau ned sei!
Du host oimoi dö Kroft,
dö s neiche Lebm schofft.
Ih bleib dabei:
Schee is da Mai!
|
