AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Segn dih God!
Mei Tochta hot a Baby kriagt,
in letztn Mai hotsas geboan.
Do san dö Oma und aa ih
zan viatn Moi Grossötan woan.
Mei, homma ins do gfreit! Hurrah!
Und hoassn tuats - dö Julia.
Wos is a Kindal fiar a Wunda!
Kloa und zoat, liab und bsunda.
Wias doliegt und so friedli schloft!
Und waunns daunn munta wiad, wias oft
dö blauen Äugal leichtn losst,
dih aulocht, dih ban Finga fosst!
Do zrinnt das Heaz und Augn wean noss.
Du iwalegst: "Wia sog ihs bloss,
wos ih eiwendi hiatznd gschpia."
Afd denkst kuaz noh und sogst za iah:
"Julia, du, mei liawa Spotz,
bist fiar ins a grossa Schotz.
Hom dih ollö, goar ollö gea.
Soist recht a fröhlichs Diandal wean.
Tua brav trinkn, dassd schee wochst
und rundum oi glickli mochst.
Segn dih God! God segn dih und -
bleib gsund! Bleib oiwei gsund!
|
