AutorIn des Beitrages:
Seier Jutta
7423 Grafenschachen
8sonne44@gmail.com
Zurück | Die Giftspritzan
Die Giftspritzan
In jedn Dorf do kennt mas glei und gebn tuats as Überoll,
die Trotschweiba werns donn gnennt,die naemman as Maul gaunz schei voll.
Die wissn über olle Leit bescheid,
a jeds Pfurzal und a jedes Leid.
Und wenns donn zaumkaemma in oan Haufn ban Kaffee oder im Gschäft ban einkaufn,
do wern die Kaepf zaumgstaeckt und die Haend fiargholtn vors Gsicht, do wern olle Aundan bis zan geht net mehr ausgricht.
Die wissn olls wos so passiert im Ort
oder wann irgendwer laenga ban Daukta wort.
A jeder Spritza der ban Wirtn trunka wird
oder wann wer die Kotz van Nochbar zaumfiahrt.
A Jeder wird durchn Kaukau nur zaugn,
stott dass oamul um die Wohrheit frougn.
A jede gibt ihrn Senf dazua und glab sie hot Recht,
in Wirklichkeit Koane da Aundan zuahearn mecht.
Aus an kloan Floh wird glei a Wexnkruag gmocht
und a Jeder der betrogn wird
bis zan geht net mehr belocht.
Und innerholb kirzasta Zeit, si a Schaundtot verbreit.
Meistens wird ba Olln no wos dazuadicht und sowieso die Gschicht vadraht.
Und wenns za die nächstn Trotschtantn kaemma,wird die vadrahti Gschicht vazaht.
Und gibts wirkli amul nix zan verbreitn,
tuans oanfoch eanan Hexnkessl vorbereitn.
Do wird a jede olti Missetot aufgwarmt und frisch serviert,
des hot scha zu maunchn Durchanaunda gfieahrt.
Sie kinnans oanfoch net lossn und varspritzn eana Gift,
nur das a neichi Gschicht aufkimmt des wieder die Aundan dawirft!
Jo so a Hausfraunmafia is a lästiga Verein,
dass mit da Zeit net zan ausholtn sein.
Die Giftspritzan kaemman imma irgendwo zaum, damits eanare Gschichtln dazöhln,
verspritzn eana Gift und tuan olle Aundan damit quöln! |
