AutorIn des Beitrages:
Seier Jutta 7423 Grafenschachen 8sonne44@gmail.com
Zurück | Die Gaswulkn
So maunchi Leit hom mit da Verdauung eana Gfreit, owa iwa sowos wird holt net so leicht greid.
I kinnt eich do scha Gschichtln dazöhln,
mi tuat jo a hin und wieda oana quöln.
So a Gas im Bauch kaun scha maunchmul mattern,
am Bestn warats,
ma loustn oanfoch ausirattern!
Es is owa net immer so leicht,
wenn ma nebn Aundre steht und si des Gas oanfoch aussischleicht.
Die Gaswulkn si donn recht schnöll verteilt, bled warat ma,wann ma länger durt verweilt!
A Jeda schaut und fragend si die Nosn rümpft, wem is der gstunkade Schas wohl grod entschlüpft?
Ma kinnt jo glei im Erdbodn versinka,
warum tuat der grod heit so bestialisch stinka?
Tjo a so a Gas im Bauch des kaun scha drucka,
do traut ma si glei gor net owibucka.
Host den Blähbauch fiar di gounz allein,
kaunn a so a Luftaustausch gounz erlösend sein.
Ma denkt jo gor net driwa nouch,
wenn ma zvül Luft hot in sein Bauch.
Do losst ma gounz entspounnt glei amul oan fliegn,
tuat jo eh koan aundra den Gstounk unter d'Nosn kriagn!
Wennst Pech host, tuat grod donn wer einakaemma, und va dera Gaswulkn a Nosn full naemma. |