AutorIn des Beitrages:
Seier Jutta
7423 Grafenschachen
8sonne44@gmail.com
Zurück | Die Müllikaunl
Heit hob i a waengal zrucksinniert,
wos olls in meiner Kindheit so is passiert.
Do is mir a Gschicht eingfolln,
die wird eich sicha gfolln.
Wia mir no kloani Gschroppn gwesn san,
hom ma va da Oma miassn di Mülch hoamzahn.
Jedn Tog die gleichi Streitarei,
wer va ins wird heit wieda gei?
Mei Bruada und i hom gstrittn drum, oft gnua,
meistns hot er donn gwunnan,er wor holt do da Bua!
Donn bin i am hintan Weg losmarschiert,
dass mi jo koan Fremda gsiaht!
Zan gei woars eh net weit,
nur mi hots holt oanfoch nie gfreit!
Bei da Oma muasst holt imma wos dazöhln,
die tuat olliweil mit so vül Neigier quöln.
So sans holt die oltn Leit,
die hom jo sunst eh fost koa Freid!
Eigentlich woar i eh immer gern bei ihr,
sie woar holt die Oma, und gheart a zu mir!
Es wor ban gei holt dauernd so fad,
do hob i die Müllikaunl immer draht.
Olls wir ma an Stoan werfn mechat,
so hob is gmocht.
Bis mir gaunz schwindli woar und der Haenkl va da Kaunl hot nur krocht!
Die laari Kaunl is nie so schein gflogn,
drum tat is mit da vulln a no wogn!
Also hob i ban hoamgehn die vulli Kaunl draht,
es woar jo wirkli olliweil fad!
Und wie i grod so schein an Schwung tua naemman,
is mir die Müllikaunl aus d'Haendn kaemman!
Den nockatn Haenkl hob i nur gholtn,
des wird a Blärrarei gebn bei meinen Oltn.
Die Müllikaunl is im hochn Bougn gflougn,
wos sull i hiaz meine Mama sogn?
Mit dera laarn zerdepschtn Kaunl, bin i zur Oma zruck,die hot grod zupft ba ihre Bauln.
Sie hout glei gsehn wiar i mi fiarcht und wias mi reisst,
hot donn nur gsogt, dass mi wegn dem sicha koana beisst!
A neichi Kaunl hots ma donn gebn,
woahrscheinli houts ma domols grett mei Lebn!
I denk i hob trotzdem a drum Watschn ogfoungan,
dafiar bin i donn imma schnölla goungan.
Die Müllikaunl hob i donn neamma draht,
und woas ma ban geihn a no so fad!
|
