Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Sumper Gabriela

D'Stühn

MundArt des Monats Mundart-Autoren Neueinträge
Beitrag anmelden


AutorIn des Beitrages:


Sumper Gabriela
4040 Linz
gabi.sumper@gmail.com

Zurück

D'Stühn

D'Sunn funköt aum Wossa, lossts ausschau wia Goid
und d'Wöhn plätschan gegn meine Zechn
a laus Sommalüftal hot d'Blattln ohghoid
vom kniaschdn Bam auf da Hechn.

Und drenta da Doana do blitzts hia und do
i meak das da Herbst laungsaum kimmt
nu streichön mi d'Stroihna, nu busslns mi oh
gaunz gwiss iss ois Obschied bestimmt.

Bevoa nu da Noadwind in Summa vazaht
hoi i ma mei Kroft bei da Doana
I mog hoid den Gruh dea vom Wossa heawaht
und spüh mit de ohgschliffna Stoana.

I sitz gean im Wöhsaund und grob mi gaunz ei
mecht hean, wos ma d'Doana vazöht
und waunn i gaunz stad wea, oft kinnts sogoa sei
das i oiss vasteh kau, wos s'quäht.

Vanimm aus da Tiafn a sötsaumes Groin
grod so ois tat irgendwea flena
ois mecht wea sei Load ausm Noss aussahoin
sunst miassat a innen vabrena.

Oft wea i gaunz kloa, daunk dem Heagott an eft
dass sei deaf, wias is in mein Lebm.
Waunns Schicksoi mi beitlt wia a zrissns Heft
mecht i koan Moment davo gebm.

 Mundart-Datenbank - Gesammelte Beiträge von Mundartautoren und Lesern zum Schmökern!