AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Da Opa af’n Kerschbam
Da Opa lasst se’s hoit net nehma,
(i war‘ ja bald aweng dakemma,)
mit seine fünfadachz’ge Jahr
muaß er nu af’n Kerschbam, klar !
De hölza‘ lange Loata gar
zaht er daher, is eh‘ schon moar
und loant’s ban gressan Kerschbam‘ dran,
er hat de besser’n Schlapf’n an
und steigt mit’n Küwö in da Hand
af’d Loata, hat an guat’n Stand,
af halber Hech’n bleibt er steh’n:
De Kersch‘, de san ja do so schen !
Da Küwö füllt se, kriagt a G’wicht,
dass unta eam a Spross’n bricht,
de Schlapf’n san ois erschtas unt‘,
da Opa nach, do gab’s koan Grund
dass er de Loata dauni legt,
er hat se nur aweng daschreckt.
|
