AutorIn des Beitrages:

De Trennkost


Ich woaß genau nu, wia des war,
es is schon her a etla Jahr‘,
ban Ess’n war ma hoit bedacht,
das ma zan Fleisch Brambori macht
und za da Wurscht a Stückö Brot.
De Muadda hat oft g’sagt, sie hat
se frira oiweu darum g’schert,
dass za da Hauptspeis‘ d’Zuspeis‘ g’heart.
Do heitz’tag warats nimma g’sund,
gar, dass ma davau krank werd’n kunnt‘
und desweg’n extra essen muaß
z’erscht s’Fleisch, dann d’Zuaspeis‘, Hand und Fuaß
sollt‘ s’Ess’n heitz’tag hab’n, des g’sunde,
weu:

Trennkost is‘s Gebot der Stunde !