AutorIn des Beitrages:

Ganz ohne Strom


Wann ba de Bau’n da Strom ausfallat,
war‘ des a ganz a blede G’schicht‘,
und dass se s‘Aggregat auszahlat,
des fallat af amoi ins G’wicht.

Fir d’Hean‘ des Brechat war‘ zan mahl’n
hiazt mit da Hand, ja des wurd‘ schwar
und a im Stall tat’s ea net g’fall’n,
de Kiah‘, de g’hear’n ja g’molcha a.

S’Gebläse tat des Heu net blas’n
zan Heustock affi, so a Miah‘,
es war‘ zan händisch affi fast’n
und staub’n tat’s neb’nbei a ois wia.

Zan Hoizkloib’n nahmat ma in Keul,
wann grad da Spalta standat stüll,
ma werkat dran a g’rechte Weul
und a ins Kreuz gang‘ des so vü.

S’Elektrische hat do an Sinn,
dass d’Arwat geht voran,
guat, dass ma jederzeit d’Maschin‘
an‘d Kraftstromdose stecka kann.