AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Wo’st üwaroi a Schneid‘ brauchst
A Schneid‘ brauchst ban Hacka,
is s’Hoiz zah‘ und hart,
muasst kräfti zuapacka,
woasst net, was de dawoart‘.
A Schneid‘ brauchst ban Sagön,
is d’Sag‘ stumpf und miad,
magst as Hoiz net danagön,
weu’s um nix besser wird.
A Schneid‘ brauchst ban Rankön,
du dappiga Bua,
sunst lass’n de Schlankön
dir niamals dei Ruah‘.
A Schneid‘ brauchst ban Menschan,
a Freud‘ und an Muat,
dann bleib’n da de Feschan
und d’Liab tuat a guat.
|
