AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Z’bald dran
De Meine harbt se gnuag und spinnt,
weu aus da Erd‘ nix aussa kimmt,
je mehr dass’s pflanzt, je mehr geht ein,
was kunnt‘ da Grund fir sowas sein ?
A schlechte Erd‘, a alter Dung‘,
de Schneck’n oder gar de Zung‘
va freche Has’n oder Reh‘,
dass de was hol‘n, des woaß ma eh‘.
Vielleicht is’s und des siagt ma schon
ban Pflanz’lsetz’n do z’bald dran,
es gült a im Gemüsegart’n,
was’d net darennst, des muasst dawart’n.
|
