AutorIn des Beitrages:
Hörschläger Franz Christian
4173 St. Veit im Mühlkreis
franz.hoerschlaeger@aon.at
Zurück | Zwoa Witiwa
Zwoa Witiwa unterhalt’n se schen
ba Kuacha und ban Malzkaffee,
wia des mit eane Maunna war,
oi zwoa san g’storb’n des letzte Jahr.
Ja mei, den Mein‘ hab’ns owi trag’n,
a schen’s Begräbnis, muaß schon sag’n,
d’raf moant de andere: Am End‘
hab i den Meinich’n vabrennt !
Damit i nu an Nutz’n hab‘
va eam, weu, legat ma’n ins Grab,
kunnt‘ ma im Winter, tat‘ mi harb’n,
sei Asch’n net af’d Strass’n strah’n.
D’raf sagt de Erschte: Kluag is’s net,
i tat‘ fast sag’n, des war‘ mia z’bled.
Du tuast da‘n ja, des is zan klag’n,
mit’n Schuachan wieda einitrag’n.
|
