AutorIn des Beitrages:

Furtghean

De Muatta hot beim Suhn
in da Stodt ongrufn,
er soll hamkemman,
da Vota is kronk, er steaht
vum Bett nimma auf, da Pforra
is a schoan dogwesn.
Wia da Suhn kemman is,
is da Vota beim Kuchltisch gsessn,
mit ana Deckn iba de Schultan,
a Teescholn vur seina und
hot de Zeitung glesn.

Glei amol is da Orzt kemman
und hot gmant, da Vota soll
sich im Spittol untasuchn lossn,
da Suhn kenntat ihn glei mitnehman.
Da Vota hot nit mitfoahrn wolln,
er hot vurm Spittol Ongst ghobt,
mon hot ihn dazu oba übaredat.
Vurm Furtghean hot sich da Vota
in da Kuchl umgschaut und
is nemma zruckkemman.....