AutorIn des Beitrages:
Glawischnig Werner
A-9620 Hermagor
glawischnig.59@aon.at
Zurück | Dos Spiel dea Zeit!
Es spielt mit uns de Zeit,
jedn Tog a neues Spiel,
so schnell is se Vargongenheit,
verlor'n is so viel.
De Zeit, sie fliagt dahin,
wonn de Liab di zoart berüaht,
donn spüarst du nit wohin,
da Weg da Zeit di füaht.
Toge seind wia Stundn,
se vargeahn schnell wia im Traum,
host du dei Glück hiatz g'fundn,
valoßt du Zeit und Raum.
Host du dei Glück varloarn,
still staeht hiatz de Zeit,
is a Hearz in Traurigkeit erfrorn,
erscheint se wia a Ewigkeit.
De Zeit, se spielt ihr Spiel,
sie gibt dem Lebn an Sinn,
es seind Sekundn oft zu viel,
a Schicksol spiaglt sich darin.
Moch de Zeit zu deinem Spiel,
du konnst dei Lebn dorauf baun,
donn gibt se da unendlich viel,
sie loßt di in de Zukunft schaun.
|
