Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Fischer Wilhelm

s Lem is wiara Bachal

MundArt des Monats Mundart-Autoren Neueinträge
Beitrag anmelden


AutorIn des Beitrages:


Fischer Wilhelm
A-4650 Lambach
wilhelm.otto.fischer@gmx.net

Zurück

s Lem is wiara Bachal

Ih schteh afn Brückö,
schau owi in Boh.
Do rinnt a kloans Wassal
inta meina toio.

A blitzsauwas Wassal!
Ih siahg ollö Stoa,
schee putzt va dem Bachal.
Hot joh sinst nix zan toa.

A poa Metar obma
do is a kloas Weah.
Duat hupfts Wassal driwa
und rauscht a weng meah.

Daweulih so doschteh,
denk ih ma ba mia:
Dös gloskloare Bachal,
wia kimmts da denn via?

Mei Lem is wias Bachal,
rinnt aa scho a Zeit.
Wia laung wiads denn rinna?
Vialeicht kimmts nuh weit.

Vialeicht owa neamma.
Koa Mensch kau dös sogn.
Gott Vodar in Hümmö,
ih meecht dih wos frogn:

Gibst ma nu a poa Jahrln?
Sö gfreiatn mih.
Dö, wosd ma scho gschenkt host,
hand min Bachal dahi.

Ih schteh afn Brückö,
schteh laung alloa do
und s Lem rinnt min Bachal
oiweu nuh toio.

 Mundart-Datenbank - Gesammelte Beiträge von Mundartautoren und Lesern zum Schmökern!