AutorIn des Beitrages:

Frühjahrsputz

Wann der laungi kolti Winta geht vorbei
die Vaegal wieda zwitschan, s'wird Fruahjoahr sei.

Ma wocht auf, s'wird scha friacha Liacht,
auf die Bam des funkeln va die Tautropfen gsiacht.

Ma hot gaunz an aundarn Elan, an neichn Schwung,
An aundarn Blick, ma fühlt si wieder fit und jung.

Do mocht ma scha gern die Fensta auf,
a Jeda is auf oamul vül bessa drauf.

D'Nochbarn hearn a guati Musik, obs wulln oda nicht,
fiar mei guate Laune is a Musi ba mir dahoam Pflicht.

Olls wül ma niedareissn, nur wo foungt ma aun?
Zerst putzen oda glei a poar Pflanzl aunbau?

I'm Goartn is's in da Friah scha no a bissl z'koalt,
drum mocht ma drin amul wos on gfollt.

I faung glei im Schlaufzimma ba die Bettn aun,
ob I hiaz scha die leichti Bettwäsch naemma kaun?

I hobs jo trotzdem gern woarm wann I auf d'Nocht do einirull,
hiaz woass I echt net, wia is aungehn sull.

Die dicki Daecka, und an leichtn Bezug,
I denk, des is fiar hiaz amul genug.

Donn gsiach I den Stab, der si aungsoummlt hot in letzta Zeit,
I saug glei aussa, no driwawischn, des mocht ma heit glei no mehr Freid.

Is jo schaen, wann za d'Ostan olls vor Sauberkeit blitzt,
ma si dafiar orackat und dabei schwitzt.

D'Vorhaeng tua I owa und glei in d'Maschin,
do follt ma ei, do is jo no die Bettwäsch drin.

So resists an gaunz Tog net o,
und wann olls blitzt, is ma sölwa ko.

I hob jo wirkli a Freid, s'is olls so sauber und frisch,
nur zan koucha woar koa Zeit, kimmt heit holt amul nix am Tisch.