AutorIn des Beitrages:
Fischer Wilhelm
A-4650 Lambach
wilhelm.otto.fischer@gmx.net
Zurück | Ins Laund einischaun
Schteh ba da Traunleitn,
schau owi in Süd
und siahg va da Weitn
a wundaboars Büd.
Fost wia zan daglaunga
liegn d Berig vua mia.
Do kriag ih an Blaunga,
oh Traunschtoa, noh dia.
Oft binih obm gsessn
in söliga Ruah,
ho d Sorign vagessn,
oin Zwieda dazua.
Wia wars, ih nahm d Ladscha,
in Rucksock, an Schtegga
und mochat an Hadscha?
Pfiat God, bi scho wegga!
Doh zan Glick foits ma ei:
mit fümfadochzg Joah
losst dös bessa sei.
Sei gscheit und koa Noa!
Geh za da Traunleitn!
Wia woih da dös tuat.
Und schau va da Weitn
ins Soizkaummaguat!
|
