Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Geissler Franz

Dat'nschutz-Grundvaua(r)dnung

MundArt des Monats Mundart-Autoren Neueinträge
Beitrag anmelden


AutorIn des Beitrages:


Geissler Franz
A-7210 Mattersburg
mw-fra-ge@hotmail.com

Zurück

Dat'nschutz-Grundvaua(r)dnung

Na God sei Daung hod d’ EU wieda wos g’mocht,
des hod ma friacha iwahaupt ned bedocht:
nämlich dass d’ persönlich’n Dat’n g’schützt g’her’n,
weu a Anzöna kaunn si gegan Missbrauch goar ned wehr’n!

Wüst d’ hiaz an öffantlich zan Geburtsdog gratulier’n,
muasst eahm davor erscht amoi konsultier’n
und dir schriftlich bestätig’n loss’n,
dass d’ eahm bam Nauma nennan derfst - des is ned zan foss’n!

Ah ba d’ Wohnblöck’ miass’n d’ Nauman ba de Kling’ln wegg -
waunnst d’ do de Diarnumma ned waßt, bist d‘ gaunz schen im Eck!
Zan Schurl kaunnst ah nimma sog’n: ruaf aun in Hauns, ih gib da sei Numma,
weu sunst griagst d’ mid da Staatsaunwoitschoft an Kumma!

Na, und a Lehra im Frei’n draußd ba-r-an Waundadog?
Der dearf seine Schüla ned bam Nauman ruaf’n, ah waunn a ’s mog!
Nix meahr: „Winkla, geh zucha, bleib’ in da Reih’!“,
sondarn nuar meahr: „27“ stott Winkla, sunst kummt glei d’ Kiwarei!

Is bam Fleischhocka wieda amoi ’s G’schäft vulla Leid
dearf ’s ah ned sein, dass ma anfoåch ummeschreid:
„Nau, Bergarin, bisd d’ wieda af Diät, duast d’ leicht o’nemma?
Weu hiaz bisd d’ schoun länga ned um deine boar Lewakaassemmü’n kemma!

Und erscht ba de Douktan gibt’s an Kraumpf
im Zusaummanhaung mid dem Datenmissbrauchsschutzkaumpf!
Nemma ma zan Beispü d‘ Wortezimma hear,
daunn homma schon seit neicha Zeid des Malhear!

Stott aufz’ruaf’n: „Bittschen, Herr Beierlein,
se san da Nächste, gengan s‘ zan Herrn Doukta rein!“,
haßt’s hiaz: „Bitte, da Nächste is der Herr mit Syphilis!“
Do frougt ma si owa schon, ob des hiaz gscheida is?

Dafiar is des Briafarl laut DSGVO politisch korrekt,
mit dem ana d’ fesche Gundi hod daschreckt.
Er hod iahr g’schrieb’m: „Werte Frau...(Nauman bekaunnt),
ih muass ihna gesteh‘n, de Liebe hod mi iwamaunnt!

Gestott’n, dass ih sie iwaraus vaehr’
und, seit ih ihna olleweu mit’n Fernglasl zuaschau, ah begehr’!
Mein Nauman derf ih ihna owa ned nenna,
weu ana von ihnare Freind kennt mi jo dakenna!“

 Mundart-Datenbank - Gesammelte Beiträge von Mundartautoren und Lesern zum Schmökern!