Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Fischer Wilhelm

Da Woid - wiara Dom

MundArt des Monats Mundart-Autoren Neueinträge
Beitrag anmelden


AutorIn des Beitrages:


Fischer Wilhelm
A-4650 Lambach
wilhelm.otto.fischer@gmx.at

Zurück

Da Woid - wiara Dom

Ih geh recht gean in Woid,
weula Wüade ausschtroiht.

Weula hollt wiara Dom,
wo s in Schöpfa drei lobm:

Dö Gimpön und Finkn,
dö Zeisign, dö flinkn,

dö Schpechtn, dö Häha,
weit fuart und daunn nähha.

Mogs goa ned oi nenna,
kaus fost ned dakenna.

Netta hearn kaunnihs hoit,
wias schollt durin Woid.

Ih geh recht gean in Woid,
weula Kühlung ausschtroiht,

waunnd Leit draussn schwitzn
in Summa vua Hitzn.

Und dö Woidluft is guat
fias Gmüat und fias Bluat,

fias Heaz und fia d Lungan
va d Oidn, va d Jungan.

Nuh za oi dem da Duft,
den ma riacht in da Luft!

Den kriagst ninascht zan kaufn,
naa, den muasst da daschnaufn.

Ih geh recht gean in Woid,
weula Noahrung enthoit:

scheene Schwamm af a Sossn,
do dö kloan, duat dö grossn.

Und dö vün Soartn Beea
gem an Fruchtsoft hea.

Za da letzt nuh in stad
wiad a guats Marmelad.

Schpot in Herist sand Nuss;
und mit dö iss afd Schluss.

Ih geh recht gean in Woid,
weula Schtimmung ausschtroiht:

Deckn d Bladln oiss zua,
kimmt d Natua za da Ruah.


Wearn dö Täg frossti koit,
afdn schenkt ins da Woid

fia dö Öfn a Fuada.-
Recht scheen Daunk dia, du Guada!

Waunn dö Scheida hö brenna,
iss ned schwar zan dakenna:

Hiatznd zoagt ins geboid
da schee Weihnochtswoid

sei schneeweisse Procht
in da Heulign Nocht.

So is insan Woid sei Joahresoblauf.
Und oiweu wieda gfrei ih mih drauf.

 Mundart-Datenbank - Gesammelte Beiträge von Mundartautoren und Lesern zum Schmökern!