Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Schaur Josef

pflegeheim - ois in gotts nam

MundArt des Monats Mundart-Autoren Neueinträge
Beitrag anmelden


AutorIn des Beitrages:


Schaur Josef
4481 Asten
j.schaur@gmx.net

Zurück

pflegeheim - ois in gotts nam

ois vawöcht, ois vadörrt,
inweni ,ausweni,
bis ins herz eini,
in herrgott lasst des koit,
er kennt de gang.
a frischa wind blast van see auffa,
und kratzt an de mauern de koatn,
oiwei goabat, oiwei tau,
immer nua für andere,
söwa nix vagunnt,
ois in gotts nam.
in ofm friert,
muchln duats
und d` meis habm kirtag,
ihr lebtag kocht, putzt,
gflickt,etla kina gfuadat,
ziagl gschupft,
ois in gotts nam.
apfistrudl bocha,eapfi gschält,
nia dagegn gredt,
oiwei s`maul ghaltn,
am sonntag in d` kircha,
dankschön gsagt für ois.
und jetzt a hinigs kreuz,
zschundne händ und oiwei müad,
nua mehr haut und boana,
ois vawöcht, ois vadörrt
inweni, ausweni,
bis ins herz eini,
in de augn koa leuchtn ,
ois is trüab, wia de gedanga,
si mags nimma greifm
geschweige fanga,
und irgendwann dann
is vorbei in gotts nam.
zampocka des letzte kloane,
leichte bschoadbinkerl
und woatn das wer kimmt,
der oan bei da hand nimmt,
wanns schwa wird.
zammrichtn, hoamgeh
und in ruah einschlafm.
immer stü gwen und,
es is frei net zan glaubm,
oiwei zfriedn.

 Mundart-Datenbank - Gesammelte Beiträge von Mundartautoren und Lesern zum Schmökern!