AutorIn des Beitrages:

De Kinda

So maunche Nocht,
hob i duachwocht,
hobs trogn in meine Oarm.
Hobs gschaukelt, ghutscht
und busselt, knutscht,
ums Heaz wiad mia gaunz woam.
Waun i an de vagaungne Zeit,
so laung is goa ned her,
zruckdenk und mi erinnat heit,
wiad mia ums Heaz gaunz schwer.
Heit is des ollas aundast woan,
des Wanan is a Blean,
waun i ned kriag, wos i jetzt wü,
fang i glei aun zan rean.
Oda goa zsan bizzln und zsan spinna
des kinnans olle guat,
des hot ma si ned trama lossn,
dass des amio ned tuat.
Und waunst daun bei dea Froge bist,
wos hob i foisch nua gmocht?
Grod daun sans plötzli Engal wieda,
wia in da easchtn Nocht.