AutorIn des Beitrages:
Mair Hildegard
4730 Waizenkirchen
hildegard.mair@energieag.at
Zurück | Wia wann nix waar
D´Bam san voll bozat
und d´Tulpm uns blüahn,
´s Gras schiabt gscheit a(n),
koa Wind is zum Gspüarn.
D´Sunn trikert d´Acker,
d´Baun san am Feld
und der Amslma(nn) singt
als ghörat eahm d´Welt.
A Schneck kreilt am Stoa,
ganz langsam und stü(ll).
A gwendliger Moda
gegn Ende April.
"Wia wann nix gwen waar"
möcht ih fast sagn,
hättn´ ma(r) heut vormittag
net d´Mama ei(n)grabm.
hildegard mair |
