AutorIn des Beitrages:

De orman Gösn

Viecha gibts, di ham a Glick,
de hot ma gern am erstn Blick.
A klaner Hund is liab und nett,
dearf eine a ins Ehebett.

De klane Kotz, de liab miaut,
wird sicher da net außekaut.
Doch wiarst ois Gösn Du geburn,
da host von Onfang an valurn.

A jeder nach dein Lebn trocht
und a dei Bruat wird glei vaocht.
Ma haut nach dia in blinda Wut,
bekämpft die wirkli bis aufs Bluat.

Ma sprüht des Gift in jedes Eck,
das unsa aner schnö vereck.
Ganz vüle san scho daran gsturm,
kaum das se waorn geburn.

Mia losn uns net leicht vatreibn
und werdn trotzdem bei eich bleibn.
De Klanan ko ma leicht vanichtn,
de Goßen kennen sichs jo richtn.