AutorIn des Beitrages:

De Schlittnfoaht

Mittn duachn Wintawoid
foahma midn Pfeadeschliddn
a wauns schneibt und eisi koit
zua Aundocht in de Mettn

Woam vapockt in Pöz und Deckn
das uns ned a bissl gfriat
de Fiaß in dicki Stüfin steckn
und im Heaz a Weihnochtsliad

Höh und steankloa is de Nocht
voa d'Augn do taunzn Flockn
a Wunda is jo heit voibrocht
und va da Weidn heat ma Glockn

Iwan Schnee de Kufm gleitn
duachi zwischn Bam und Haus
Hoffnung duat si schau vabreitn
auf das da Friedn geht nia aus