AutorIn des Beitrages:
Mülleder Maria
4209 Gallneukirchen
Zurück | Fasching – de fünfte Jahreszeit
Der Fasching is a narrische Zeit,
Narren rennen zaum von weit und breit.
De möchten gern den Winter vertreibm,
es wird eahm eh nix üwableibm.
Der Aschermittwoch bringt d’ Fastenzeit herbei,
mit dem närrischen Treibm iss daun vorbei.
Den oidn Schnee kehrn ma in a Eck –
dort geht er eh va söwa weg.
Die Sonn is schon voi Kraft,
boid zieagt in d’ Bam der Saft.
Zarte Primerln und Schneeglöckerl
recken aus der Erdn eahne Köpferl.
Palmkatzerln suacht ma für an Palmbesen,
der Brauch iss oiwei schau gwesen.
Dann kimmt de Osterzeit herbei,
endlih iss der Winter ah vorbei. |
