AutorIn des Beitrages:
Eder Martina
4600 Wels
martina.eder11@tele.at
Zurück | Balsam für d´Seel
Mein Gott, wia war der Tag heit schen!
Am Berg obm liegt nuh Schnee,
am Bankerl an der Hüttnwand
haltst Rast, und va der Höh
siahgst hin zan Dachstoa-Gletscher
und selber warmt dih d´Sunn.
`s Schneewasser tropft van Hüttndach,
dassd´ moanst, es rinnt van Brunn.
A Fuaderkrippm - net weit weg -
va derer riacht ma `s Heu
und d´Vogerl zwitschern voller Lust,
dassd´glaubst, es war scho Mai.
A Wohltat is`s für Aug und Gmüat,
de Bergluft tuat mar guat.
Ih gfrei mih scho aufs nächste Mal,
weil bald blüaht `s Jagabluat.
Ja, so a Tag, der baut dih auf,
is Balsam für dei Seel,
tankst frische Kraft aus der Natur,
nur d´Zeit vergeht vül z´schnell. |
