AutorIn des Beitrages:
Eder Martina
4600 Wels
martina.eder11@tele2.at
Zurück | Der Kerschbam
Der Kerschbam vor mein Fenster
is voll mit weiße Blüah,
und d´Bei(n) san so vü trawi,
und wia, wia geht`s da mir?
All Tag muaß ih mar`n a(n)schaun,
er schenkt mar so vü Freid.
Wia d´Braut in weißn Kloadl,
so blitzt er va der Weit´.
Ja, glaubst, ih sahgat d´Moaserl
wo sitzn auf an Ast,
de was sih huitschnlassn
van Wind, der durcheblast?
A Gfrett is`s mit de Starln,
de habm vielleicht eah Freid.
Sobald d´Kersch rot und reif san,
bleibm koane mehr für d´Leit.
Wer möcht da net gern naschn,
wann d´Frucht so abaleucht´t,
und rundum neamd zan sehgn is,
und koana oan verscheucht? |
