AutorIn des Beitrages:
Eder Gabriele
Gmunden
gabriele. eder1@tele2.at
Zurück | Maibamstöln
Beim Maibamstöln vorm 1. Mai
da is da Seppl stets dabei.
Nur heuer hat eahm - kannst des fassn -
sei Olde vül z’spat furtgehn lassn.
Wia er zum Platz kimmt is neamd da.
Ka einzger Freind, da Bam föld a.
Beim Wirtn huckt da Sepp bis vier,
denn so vül Zurn braucht a vül Bier.
Ols er dann endli leicht benebelt
quer durchn Wald zur Olden segelt,
fliagt er in Dreck und schaut vadutzt:
da liagt da Maibam, schen geputzt.
Was machatst bloß, wanns mi net gab?
Denkt si da Sepp, setzt si in Trab,
spuckt in die Händ und ziagt den Bam
das letzte Stückerl zu eahm ham.
Gfreit si schon auf des vüle Bier,
dös er als Austausch kriagt dafür,
und no mehr auf dös Gschau der Leit,
wann er den Maibam eahna zeigt.
Doch wos is dös, wo bleibt dös Lob?
Fuchsteufelswüld schreit aner grob:
„Unser Freind bist nimmer, Sepp!
Dös is ja unser Bam, du Depp.“
|
