AutorIn des Beitrages:
Semrau Michael 3423 St. Andrä michaelsemrau@aon.at
Zurück | Endlich Neiwoihn !!
I woit so a Gedicht nia schreibn:
Denkt hob i ma: zoit si des aus ?
Doch jetzt is mia a so zum speibm,
kaum doß i es no konn daleidn -
pfuiteifl, na, es is a Graus.
Da Blade spüd wieda im Sond,
Da Pforra stroiht wie frisch lackiert.
Da Oaschkreula min schenan Gwond,
Der findt es wiakli ollahond,
Doß d’Krone net des Lond regiert.
I sog jetzt, ongwidert ois wia:
Ausgschissn hobn schwoaz und rot!
Deitlich homs zagt, und net nua mia:
SIE KENNANS NET !! und ums Papier
mit ian Programm is jommaschod.
A stoake Mehrheit löst Probleme ?!
A so a Schas, a jeda locht.
Kana want denen noch a Träne,
is goanet not, doß i’s erwähne:
D’Probleme hobn sie erst gmocht !
Jetzt, wo da Krompf beendet is
Do wissens, wos zum mochn wär:
Frech sogt uns heit a jedes Gfries
Liagt uns ins Gsicht so richtig mies
Wos jetzt besondas wichtig wär.
Der Worte sind genug gewechselt !
Auf die wird gschissn, meine Herrn !
Und sei da Sotz no so gedrechslt
Söbst wennst d’Fremdwerta net vawechslst -
I hea di nimma, hob mi gern….
Alternativen ? Sehr bescheidn –
Zwa Strizzi und a Schlofata
Und hinta eam (i konns net leidn)
Frau Obergscheit – scho von da Weidn
Ziagts ma d’Schuach aus bei dera da.
Von oi dem Quatschn hob i gnua –
Und trotzdem waß i, wos i tua:
I schau ma die Plakate on
Wäg olles ob, entscheid mi donn.
Stootsmännisch sog i: jetzan hammas !
I wöh die Nockatn vom Palmas !
M.S. Juli 2008
|