AutorIn des Beitrages:
Wurth Erich
2344 Maria Enzersdorf
Erich.Wurth@tele2.at
Zurück | Allerseelen
Meistens hab i ja an Grant
wenn i am Friedhof geh.
Weil durt der alten Mali – Tant
tuat längst ka Ba mehr weh.
Was hat’s davon, dass i jed’s Jahr
mit dem unbequemen
Anasiebzger aussefahr?
Was hats von Chrysanthemen?
Nix hats davon! A klarer Fall!
Und i muaß trotzdem leiden.
Des Grünzeug kanns ja net amal
si in die Suppen schneiden!
Der Friedhof hat für mi kan Reiz.
I find des eher deppert.
Wenn no dazua des schwarze Kreuz
dort mit da Büchsn scheppert.
Was mi des Allerseelen kost!
Ka Wunder, dass i fäul!
Mir bringt der garantiert kan Trost
der nebliche Zenträul!
Die Blumen leg i schnell aufs Grab
und tua mi glei verrolln,
weil erstens i ka Vasen hab
und zweitens werns eh g’stohln.
Zentralfriedhof, Grüß Gott, Ade,
jetzt kann mi nix mehr halten,
weil i jetzt glei zum Wirten geh
auf zwa, drei Viertel Alten…
|
