AutorIn des Beitrages:
Eder Martina
4600 Wels
martina.eder11@tele2.at
Zurück | Silvester
Mein Text ...
Ih lieg z´ Silvester krank im Bett,
mi(t)n Blei was giaßn, kann ih net.
Soll Pulverl schlicka, hoaßn Tee,
weil rundum tuat mar allsand weh.
Ih muaß mei Kranhat außaschwitzn.
Und kimm ih richti dann in d´ Hitzn,
san doh d´ Gedanga scho ban Blei.
Ih siahg des Schmelzn - und dann gleih
woaß ih was da zan Vorschein kimmt.
A Flieger is`s, der d´ Roaß bestimmt,
ih mal mar scho in Urlaub aus,
da wohn ih in den schenstn Haus,
und schwimma geh ih dann im Meer.
Was treibt der Wind iazt za mir her?
A Meerjungfrau, de `s Handtuach bringt,
weil scho van Körper `s Wasser rinnt.
Nur leider is`s koa Wassermann,
mit dem war ih vü besser dran.
|
