AutorIn des Beitrages:

Beide san ma do

I wü Di net
Du wüst mi net
I ignorier Di
Du schaust mi net au
Und do samma do

I nimm nix von Dir
Du nimmst nix von mia
I bin ah Rota
Du bist ah Schworza
Und do otmen mia de söbe Luft

I denk ma wos
Du tuast Denkn lossn
I hob ka Hockn
Du gibst ma kane
Und do wüst ma Dei Glumpat audrahn

I raff mitn Rotz
Du wast net, wohi mit dem vün Göd
I scher de letztn Greschaln zaum
Du host ah goidene Kreditkoartn
Und do leben ma auf da söbn Wöd

I kriag an Zurn
Du hoist de Polizei
I moch ah Revolution
Du gehst in de Bunka
Und jetzt kummt da storke Mau
Is des, des wos ma woin?