AutorIn des Beitrages:
Eder Martina
4600 Wels
martina.eder11@tele2.at
Zurück | Mei Mercedes
Ih hab an Mercedes,
der braucht koan Motor
und wüll`s ah neamd wahrhabm,
ih stöll´n euch vor.
Vier Radln, zwoa Bremsn,
zan Lenkn net schwer,
ih kann ah drauf sitzn
und allerhand mehr.
Kann ei(n)ladn ins Körberl
a Obst und a Gmüas,
a Wurst und was z´Tringa,
zan Naschn was Süaßs.
Ja mei, mei Mercedes
braucht ah koan Benzin,
und gwieß ah koan Parkplatz -
fahr überall hin.
Bei de heitign Preise,
wer muaß da net sparn!
Es zwingt mih ja völlig
benzinfrei zan fahrn.
|
