AutorIn des Beitrages:
Hranitzky Hella-Maria 7202 Bad Sauerbrunn aon.913326526@aon.at
Zurück | Psalm XXIII
Oh, Heagod! mei Hiata bist du.
Hiata fom Wötraum in dem i aufersteh
Hiata fo der Erd und fom Wasser
Hiata der ganzn Schöpfung
Wann DU bei mia bist geh i net z’grund
In paradiesische Gärtn
Auf a erholsams Ruhelager
Zum lebendigen Wassa
Fiahrt mi dei Liab
Herr, wann DU bei mia bist geh i net z’grund
Aus tiafe Schluchtn
Aus Abgründ folla dunkla Schattn
Aus Verfall und Tod aussa
Hebt mi dei Hand
Herr, wann DU bei mia bist geh i net z’grund
Du deckst ma den Tisch für a Freudnmahl
Du schenkst ma den köstligsten Trunk
Du schmückst mei Lebn
Mit an festlichen Glanz
Herr, wann DU bei mir bist geh i net z’grund.
Du bist die Kraft, die mi wochsn lasst
Du bist das AMEN in meim Leben
Du bist des Haus
In dem i geborgen bin
Herr, wann i bei DIR sei derf, geh i net z’grund.
Oktober 2009
|