AutorIn des Beitrages:
Eder Martina 4600 Wels martina.eder11@tele2.at
Zurück | A Zeitl nuh blüahn
Mein Text ...
Ih bi wiar a Unkraut,
hart, standhaft und fest,
net leicht zan umbringa,
in dŽ Erdn ei(n)presst.
Reck mei Köpfl zan Hümml,
en Sunnstrahl entgegn.
Und wüll mih wer brecha,
ih wehr mih dagegn.
Ma hat mih oft gstreimlt,
mi(t)n Füassn schier tret,
bi wieder aufgstandn
als gang`s um a Wett.
Möcht a Zeitl nuh blüahn,
va mir nuh was gebm.
Nur, geht dŽ Blüah amal z`End,
is`s aus mitn Lebm. |