Publikationen


Der beste Beitrag wird als "MundArt des Monats" auf dieser Seite und auf www.eurojournal.at veröffentlicht!

Hermandinger Hans

Wassa

MundArt des Monats Mundart-Autoren Neueinträge
Beitrag anmelden


AutorIn des Beitrages:


Hermandinger Hans
4924 Waldzell
hermandinger@inext.at

Zurück

Wassa

Net zum Aufwegn is mit Goid
a saubas Wassa aus n Woid.
Wassa is a großa Schatz:
Schaun ma drauf; net jeda hat's.

Wo s' Wassa fehlt, durt is koa Woad
für d' Viecha und es wachst koa Troad.
Statt greane Wiesn, Stoan und Sand;
richti oarm is so a Land.

Unsa Wassasegn rundumadum:
De ganze Welt beneidt uns drum.
Dös müass ma achtn und drauf schaun;
net d' Ufer rücksichtslos verbau'n.

Da Mensch, der macht si s' Wassa z' Nutzn,
wüll eahm den Weg und d' Freiheit stutzn;
zwingt's in a betonierte Bahn:
Bedenk o Mensch, was stöllst du an.

Machst di zum Herrn üba d' Natur;
bei'n U'wetta schlagt s' Wassa zua,
reisst d' Bruckn weg, vielleicht dei Haus,
sei froh wannst s' nackert Lebn bringst draus.

Schen langsam kemman mia do drauf:
Lass dem Wassa sein' natürlign Lauf.
Lass d' Bacherl schlingern durch die Geg'nd;
so wüll's d' Natur, a so is's g'segnt.

 Mundart-Datenbank - Gesammelte Beiträge von Mundartautoren und Lesern zum Schmökern!