AutorIn des Beitrages:
Grömer Elfriede
5120 st. pantaleon
Zurück | Stoßseufzer von an überzeugtn Anhänger des Maskulinismus
Ignoriern ma de Emanzn
und de Giftprotuberanzn,
de de wildn Weiberleut
donischleudern, wia net gscheit.
Jagn ma´s aus da Politik,
bind´ ma´s zuabi mit an Strick
an den altbewährtn Herd,
wo des Weibszeug zuabighöart!
Pest und Höll auf de Emanzn
de da nix wia furtstrawanzn,
de vorm Eheherrn ned knian
und eahm nia sein Bier serviern.
De eahm Gwand net nachitragn
und de eigne Meinung sagn.
Pest und Höll und Gift und Gall´,
Emanzndanz und Jammertal!...
Auszug aus "in oam Atemzug".
|
