AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | Da Höld
Wer is a Höld?
A Muskölmaunn,
der Stoi und Eis´n
biag´n kaunn?
Wer is a Höld?
A Sportidoi,
mit Göld und Ehr
und Preise voi?
Wer is a Höld?
A Sexathlet,
der reih´nweis
üwa d´ Menscha geht?
Wer is a Höld?
Der si wos traut
und ollö
intern Biertisch haut?
Is der a Höld,
den nia wos schmerzt,
der ohne Aungst
und gaunz beherzt
um null Uhr
üwern Friedhof geht?
I moan, a Höld is,
wer gesteht :
"I fiarcht mi damisch!"
Und er bleibt. |
