AutorIn des Beitrages:
Fischer Wilhelm
4650 Lambach
wilhelm.otto.fischer@gmx.net
Zurück | D´ Mondnocht
Da Wind singt seine Liada
und hoam geht stad aniada.
Host as woi scho bedocht?
Wia gross is do dö Nocht!
Schau, wia dö Stern grod leicht´n,
und schimmern duri d´ Feicht´n.
A so a stülle Procht!
Wia gross is do dö Nocht!
Und aa da Mond, net schichti,
mocht si am Hümmöl wichti.
Siagst d´ Föls´n? So a Mocht!
Wia gross is do dö Nocht!
Und waunn zwoa, dö si meg´n,
no auf sand und dös sehg´n,
sogt sie za eahm und locht :
"Wos fiar a schene Nocht!" |
