Im Neichn Jahr
von Gertrud Lahnsteiner

Glücklicherweis und doh ah leider
geht ´s Neiche Jahr wia ´s Alte weiter,
nix hat sih gändert auf amal,
grad de aktuelle Jahreszahl.

D´Silvesterfeiern san verflossn,
Raketn san gnuag wordn verschossn,
und doh hat de Silvesternacht
ja eigentlich koan Fortschritt bracht.

Manch Kranker is nuh allweil krank,
wann´st auf was wartst, des dauert lang,
durch Unfall sterbm nuh allweil Leit,
sicherer is´s nit wordn, unser Zeit.

Nuh allweil wechslt unser Wetter,
Steuern zahln muass ah nuh Jeder,
teirer wird nuh allweil ´s Lebm,
wo soll´s denn da an Fortschritt gebm?

Arme san nuh allweil arm,
Verletzungen hinterlassn Narbm,
Alls wird älter und nit neicher,
Reiche werdn nuh allweil reicher.

D´Zeit rennt weiter, bleibt nit stehn,
und Alte müassn mit ihr gehn,
im Lebm a Neuanfang is´s net,
z´gleich guat is´s, aber ah z´gleich bled.

Wer im Lebm strebt nach an Zü
oder ah was ändern wü,
braucht koan Silvesternacht dazua,
Gelegnheit gibt´s a ganz Jahr gnua.

Guate Vorsätz ham nix bracht,
de mehrern Leit ham eh koan gmacht,
sollst dih wirklich gfrein, wann´st gspürst,
dass d´mit jedm Jahr älter wirst?

Zur Autorin:
Geboren wurde Gertrud Lahnsteiner 1946 in Ebensee.
Über sich selbst und über das Gedichte schreiben meint sie: "Bis zu meiner Frühpensionierung war ich als Hauptschullehrerin tätig. Nach dem Ende meiner Berufslaufbahn suchte ich nach einer sinnvollen Beschäftigung und begann Gedichte zu schreiben, erst in Schriftsprache, dann in Mundart. Es bedeutet mir viel, meine Gedanken auszudrücken und an andere weitergeben zu können. Lesen, Musik und Kreuzstichstickerei sind weitere Hobbys. Ein Motto von mir ist es, im Hier und Heute zu leben."

Bisher erschienene Bücher:
„A gmahde Wiesn“
„Wo da Wind herwaht“
„A bsondere Zeit“
Folgende Veröffentlichungen ihrer Gedichte gibt es bereits:
Mein Hoamatort Ebnsee
Vom Traunstoan bis zum Pötschnpåss
A Gång durchs Jåhr, Frühling/Sommer und Herbst/Winter
Jedes Jahr wieder, Advent- und Weihnachtsgedichte

Kontakt:
Lahnsteiner Gertrud
4802 Ebensee
Gertrud.Lahnsteiner.@tele2.at