Stelzhamerwerke
Literatur zu Franz Stelzhamer
SAO Publikationen

MundArt des Monats - Archiv
Juni 2014

Wos I amoi weidageb'n mecht..
von Gabriela Sumper

MundArt des Monats Beitrag / Autor anmelden Mundart-Datenbank
Mundart-Autoren

Veranstaltungen
Aktuelles

Dialektforum

Publikationen
Bücher

Mundart-Autoren

Mundart-DatenbankMundart-Datenbank


Als MundArt dem Monats Juni 2014 wurde
der Beitrag Wos I amoi weidageb'n mecht..
von Gabriela Sumper gewählt.

Home
Zurück zum Archiv

Wos I amoi weidageb'n mecht..
von Gabriela Sumper

Kornbleamin, blau wia da Hümmi
an Woid, so tiaf wia's Meer
An jedn Baun' sein Schümmi
und weniga Vakehr.

An Woadkorb volla Schwammerl
an Boch, gaunz klor und koit
a söberbastl's Schammal
haundg'schniazt und uroid.

I mecht enk weidageb'n
a Wies'n, volla Blia
an Weistock, voi mit Reb'n
und Oiman fia de Kiah.

An See mit häufti Fisch drin
und waunnst zan Bodn schaust
a Gflechtat von da Spinnrin
de zwisch'n Hoiman haust.

A zirpat Grülln im Summa
a wogat's Woaznföld.
Vüh weniga vom Kumma
Meahr Locha auf da Wöd.

I mecht das unsa Nochboa
so leb'n kau wiar a wü
des oissi wa do mochboa
hätt ma a weng meah G'füh

Und d'Flüchtling soin a Bleib'n kriagn
noch Elend, Kriag und Not
z'wegn meina derffans ei'ziagn
und das neamd meah bedroht.

De fremdländischen Kinda
de kennan nix dafia
se san um goar nix minda
net weniga ois mia.

De Frau'n vo uns, und d'Miatta
soin gleichberechtigt sei
dass neman Kinda hiatta
gnuag bleibt im Sackl drei.

Gaunz sicha wa zan austreb'n
das ma d'Chemie vagisst,
koa Mensch soit in Gefahr schweb'n
das a wos giftigs isst!

I stöh ma fia de Zukunft
a bessa Luft a vor
Koa frog'n noch ana Herkunft
sondan a offan's Ohr.

I mecht, das d'Berg und d'Gletscha
so bleibm wias hiaz san
und unsre Buam de Mentscha
beim Voikstaunz umedrahn.

I gabat so gern weida
das ma mit Herzlichkeit
und Liab, des wa nu g'scheida
vahiat an jed'n Streit.

I tat oissi drau setza
das's künfti bessa wird
das's ruhiga, ohne hetza
da Mensch d'Natua behiat.



Zur Autorin
Gabriela Sumper lebt in Linz, wo sie 1961 das Licht der Welt erblickte. Die geschiedene Autorin und Mutter von drei erwachsenen Kindern ist als Dipl. Sozialbetreuerin in der Altenarbeit tätig. Zu den wichtigen Dingen in ihrem Leben zählt sie ihr Enkelkind und auch ihre Senioren. Neben dem Schreiben pflegt sie auch andere musische Hobbys: Sie zeichnet und malt, singt und spielt Gitarre. Sie reist auch gern.

Gabriela Sumper über das Schreiben:
„Ich schreibe seit meiner Kindheit. Meine Gedanken und Gefühle, die ich in Gedichten und Geschichten verpackt habe, waren nur für mich und meine Liebsten zugänglich.“ Vor etwa zwei Jahren änderte sich das, als sie bei einem Reha-Aufenthalt eine Patientin kennen lernte, die aktives Mitglied einer Linzer Schreibgruppe ist. Eine gemeinsame Lesung im Rehazentrum vor öffentlichem Publikum wurde ein voller Erfolg, dabei schrieb sie ihre Texte in nur einer Woche.
Seit Herbst 2012 ist sie nun Mitglied der Schreibgruppe Textspur und in der Schreibgruppe Zentrum beim Stelzhamerbund.
Sie schreibt Mundartdichtungen gereimt und ungereimt sowie Gedichte und Kurzgeschichten in Hochdeutsch. Ihre große Leidenschaft gehört aber der Mundartdichtung.

Kontakt:
Gabriela Sumper
4040 Linz
gabi.sumper@gmail.com