Neujahr
von Fritz Mayer

Neujahr wird sehr verschieden erlebt


Neujahr des Pessimisten

Und wieda is a Jahr vorbei
und wieder hübsch vü Pech g`habt
war wieda nix für mi dabei
in Fallen die da`s Leben stöllt
wieda amoi einitappt

Und wieda hat das liawe Lebm
Ich woass des, nur du glaubst es net
Mir saure Gurken zuawageben
weu was anders kriag i net

Und wieda kommt a neiches Jahr
ich siachs scho an sein Gesicht
dass bese Sachn auf mi warten
vielleicht is`s desmoi nur die Gicht

Doch eines Tages ist der Tag
da gibt`s statt Gurken Festmenü
und taunzn Tod und Teifi
nur - ob ich so lang warten mog
da hob`i meine Zweifi



Neujahr des Optimisten

Endlich`s Neujahrsfest in Sicht
mit Schampus und Raket`n
und waun die Welt zusammenbricht
da wer`n ma uns scho rett`n

Des Trink`n wird jetzt eingestellt
natürli a des Rauch`n
in ana positiven Welt
wer`n ma des alls net brauchen

Die düster in die Zukunft schaun
Apokalypsenseher
den sollat ma in Arsch verhaun
des g`fallat ma scho eher

Und morgen is a neiches Johr!
Mir wern uns ummirett`n
und waun ma dabei Kopfweh kriagn
dagegen gibt’s Tabletten!





Neujahr des Säufers

Hick, a neiches Johr bricht au
i siach scho de Raketn
a wengl kalt is`s dann und wann
i muss mi wärmer betten

De Bruckn is mei Nachtquartier
de Zeidung is mei Deck`n
da Schnaps des is a Freind va mir
daunn muass i net varreck`n

I wünschat ma a neiches Jahr
mit ana warmen Supp`m
und wauns ma wieda bessa geht
vielleicht a kesse Puppn

Mei Nachbar hot a Stückl Brot
und i a halbe Flaschn
vielleicht reichts bis zum Morgenrot
sunst - Friede meiner Asch`n

Nicht starr, flexibel sind die Gegebenheiten auf
unserer Welt und vielfältig im Erscheinungsbild,
ebenso wie die Sichtweisen auf das Leben und den
Sinn des Lebens.
Drei unterschiedliche Betrachtungen zum Thema
Jahreswechsel hat Herr Fritz Mayer in einem
Gedicht mit dem Titel "Neujahr" zusammengefaßt
und in unserer Dialekt-Datenbank eingetragen.

Über den Autor:
Herr Mayer war Lehrer an einer HTL und ist dabei,
die Pension zu genießen. Das "Warum er schreibt"
und wovon er sich inspirieren läßt beantwortet
Herr Mayer so:
"Beim Spazierengehen mit meinem Hund fallen mir
manchmal Dinge auf, die ich gerne in Gedichtform
bringe. Manche davon in Mundart.

Als Naturliebhaber segle ich mit Freunden in der
warmen Jahreszeit gerne an den Gestaden des
Mittelmeeres und lasse die Seele baumeln."

Kontakt:
Mayer Fritz
Dr.Schickerstraße2
A-4470 Enns
fr.mayer@gmail.com