Sieben Brücken
von Franz Affengruber

Van erst´n laut´n bis zan letzt´n leis´n Schrei
liegt ´sirdische Leb´n. Fia jed´n geht´s vorbei!
In jed´n Leb´n gibt´s månchmål Lück´n,
sieb´n Gräb´n ergibt sieb´n Brück´n!
De Erste, glaubt ma, braucht ma net,
ma is hoch d´rån, des is scho´ blöd,
då bestätigt si´ scho´ im Jammertal,
„Hochmut“ kommt immer vor den Fall!
De Zweite kimmt nåch kurzer Zeit,
wer kennt die Brücke über´n „Neid“?
Du gehst za da Dritt´n, um zu erfåhr´n
wia kimm i drüber über´n „Zorn“!
Und ba da Viert´n wårt´t bereits
unter da Brugg, a Feind va dir, da „Geiz“!
Unter da Fünft´n is ´sWåsser triab
va da „Unkeuschheit“ de uns verführt!
De Sechste überspånnt va da „Gier“ den Gråb´n,
då muaßt d´rüber ohne zittern, ohne zåg´n!
G´råd´ de Sieb´nte, du bist scho´ g´schlaucht,
hätt´st ba ålle sechse vorher braucht!
Es is gånz guat wånn ma d´rüber geht, fia mi a,
über de Brugg´n der „Trägheit“ oder Akedia!

Akedia: Die Unfähigkeit jetzt im Augenblick zu sein
25.4.2009 Afra

Zum Autor:
Auf d´Welt bi´ i kemma am 12.1.1963 im KH
Åmstett´n.
Spielt åber net so a große Rolle, weil i a
Zeillerner bin (NÖ)!
Des erste G´setz´l håb i g´schrieb´n wia mei Frau
im KH (Eingångs erwähnt) 1992 in da Hoffnung zum
3. Kind (2. Madl) g´we´n is. Weil´s g´råd´ passt,
Danke ån de Vier!

So richtig gehat word´n is´s dånn im Oktober 2004,
nåch an Tief va mir! Då håb i mi´ so quasi bergauf
g´schrieb´n, mit Septemberwind, Smaragdmess´
(Text u. Melodie), GRW2005, MBP/PTL
(Mondi-Psalm-Text und Liederbuch) und die
verschiedensten Parodien und Gedichte van
Friedhof unter da Erd´ bis in Himme´ auffi!
2006 håb´ i gles´n aus "Va überåll a wen´g wås, va
nixi z´vü´", und 2007 håt´s g´hoaß´n "Va Liachtweiß
bis Dunk´lgrau", a jed´smoi ban Zeillerner Advent.
So Gott will wird´s heuer a wieder wås! ,Es is wos
word´n! Biachl gibt´s a schon!

Advent 2008 hatte den Titel "Lautlose Kinder"
Buchveröffentlichung März 2009 "Lautlose Kinder"
Verlag: tredition ISBN: 978-3-86850-211-4
www.tredition.de/books/ID728
Veröffentlichung des Gedichtes "Weihnachten” in
der Weihnachtsanthologie 2008 bei Community
And More
Aufnahme ins "Jahrbuch des zeitgenössischen
Gedichts" ("Frankfurter Bibliothek 2009") von der
Brentano-Gesellschaft mit dem Titel "Sein wie
Wein"
Angebot über Erstellung eines Kurzfilmes dieses
Gedichtes wurde umgesetzt und ich warte noch auf
die Freischaltung auf der Internetseite
www.autoren-tv.de
Da kann dann jeder kurz Zeillern im blühenden
Mostviertel bewundern!
Aufnahme des Gedichtes "Sein wie Wein" im
Lyrikband "Die besten Gedichte aus der Frankfurter
Bibliothek 2009/2010

Kontakt:
Affengruber Franz
Schörghofstrasse 374
3311 Zeillern
afra1@gmx.at