Schwammerl suacha
von Maria Mülleder

Im Früahsommer wachsn Schwammerl
de san „des Fleisch van Woid“.
Brauchst nur am feuchtn Bodn schau` –
im Gras und Moos da wachsn s` hoit.

Im Bia`toscha und Jungmoasch (Beerensträucher)
haum d` Rehal eah Vasteck. (Eierschwammerl)
Tua s` a bissl ausanaund –
findst bestimmt an ganzn Fleck.

Wer van Schwammerlsuacha Ahnung hot
der lebt am Land – net in da Stodt.
Findt s` wia anbaut in an Hexnkroas
nimmt nur de er kennt, va de er woaß.

Wer Woid und d` Natur net kennt
glaubt, er hot vü Glück beim Brocka.
Eahm san giftige Püsn fremd (Pilze)
glaubt – er hat grod an Joker.

Voll Freud reißt er s` aus und oh –
recht gsund und guat schaun s` aus.
Da Korb is voi` – er gfreut sih so –
bringt owa – hantige noch Haus.

Lass s` steih und tret s` net um
behutsam soll ma mit eah sei`.
San de Püsn ah schei` rundum
kaun trotzdem schau` da Wurm drinn sei`.

Va oa kaunst nur oamoi` essn
san s` giftig – liegst boid im Grab.
Das Fleisch van Woid – derfst net vagessn
is und bleibt a Gottesgab.

Zur Autorin:
1944 in Sandl im Mühlviertel geboren, kam Maria Mülleder über Beobachtungen der Natur zum Schreiben. Von Kindheit an prägte sie der Eiserne Vorhang. Ihr Vater kam erst 1948 aus der Gefangenschaft heim, so lernte sie ihn erst als Vierjährige kennen. Die Aussiedlung der Bucherser erlebte sie unmittelbar mit. Mit ihren Mundartgedichten schrieb sich Maria Mülleder Schweres von der Seele.
Sie ist Mitglied im Stelzhamerbund. Nach dem Besuch der Dichterschule Gottfried Glechner wagte sie sich ans Schreiben.

Publikationen:
Bei uns auf da Hoad
Mundart aus dem Dreiländereck Sandl – Stadlberg – Buchers
2008, Verlag RegionalEdition
ISBN 978-3-902226-46-4
Böhmische Freundschaft
Mundart aus dem Dreiländereck Sandl – Stadlberg – Buchers
2009, Verlag RegionalEdition
ISBN 978-3-902226-51-8

Kontakt:
Maria Mülleder
A-4209 Gallneukirchen