Mundartbeitrag von:

Holl Elisabeth    -
4600 Wels
elisabeth.holl@outlook.com

Vergöit´s Gott Muatta

Vergöit ´s Gott Muatta !
Sag ih heit zu dir,
du bist dei´ ganzs Lebm
oiweil guat gwen zu mir.

Vergöit ´s Gott Muatta !
fia dei´ Sorg´ und dei´ Miah´,
hast mih Pflegt waunn ih kraunk woar
und zschundtn woarn d´Knia.

Vergöit ´s Gott Muatta !
Fia dei´ Liab, dös d´ mar gebm,
dö is wiar a Sunnschei´,
dö begleit mih durchs Lebm.