Mundartbeitrag von:
Holl Elisabeth -
4600 Wels
elisabeth.holl@outlook.com
Alle Mundartautoren
Mundart-Datenbank |
Mei Muattasprach
Mei Muattasprach, dö hat fia mih
den allerschenstn Klang,
wann ich dö Leit´ so redn hear,
dös is wia Hoamatgsang.
Wo d´ Kircha drobm am Felsn steht,
da Schafberg nieda schaut,
dort hat mei´ Muattal mih geborn,
dort hab ich gebm mein erschtn Laut.
Dort hab ih redn und singa glernt,
bih glücklich gwen als Kind,
durch mein Beruf, den ih hab gwählt,
hat mih vawaht da Wind.
Dann hab ih gheirat, Kinda kriagt,
bih glücklich worn dabei,
doh ziagt´s mih oilweil wieda zruck,
net grad im Monat Mai.
Mei´ Muattasprach, dö gheart fia mih
zum Lebm oanfach dazua,
wo ma(n) so redt fühl ih mih woih,
da findt mei Herz sei Ruah.
|
