Mundartbeitrag von:

Holl Elisabeth    -
4600 Wels
elisabeth.holl@outlook.com

Mei Bua und ih

Endlih, endlih hat sih mei Bua
oiss vo da Seel gredt,
was n scho lang
druckt hat.

Ih soi wieda gsund werdn,
ih soi mih net stressn,
ih soi öfta aufn Rat
meiner Kinder hearn.

Dann hat a mih
in d´ Arm gnumma –
und druckt – ganz fest –
und ih eahm ah.

Hiazt, erscht hiatzt woaß ih,
was ih toa muaß
fia mei Gsundheit
und fia mei Lebmsfreid.